Ymladd ymwrthedd gwrthficrobaidd trwy hyrwyddo defnydd rhesymol o wrthficrobau.

Mae Roll Back Antimicrobial resistance Initiative (RBA Initiative) yn fudiad anllywodraethol cofrestredig yn Tanzania sy’n gweithio i ymladd ymwrthedd gwrthficrobaidd. Mae ei bencadlys yn Dodoma, ynghanol y wlad, ac mae’r mudiad yn credu fod cymunedau gwledig a threfol yn chwarae rhan allweddol yn mynd i’r afael ag ymwrthedd gwrthficrobaidd. Mae’r mudiad yn hyrwyddo defnydd rhesymol o wrthficrobau, mae’n cynnal ymchwil ar ymwrthedd gwrthficrobaidd (AMR), ac yn annog newid ymddygiad, gyda’r nod o leihau nifer yr heintiau sy’n cael eu hachosi oherwydd ymwrthedd gwrthficrobaidd.

Mae RBA Initiative yn gwasanaethu mewn cymunedau gwledig a threfol, gan weithio gydag ysgolion, colegau a phrifysgolion, gweithwyr iechyd, unigolion preifat a gwneuthurwyr polisi ar draws sectorau amrywiol o iechyd i amaeth i’w hannog i ddod at ei gilydd a helpu atal ymlediad ymwrthedd gwrthficrobaidd.

Dysgwch fwy yma am ein cydweithio rhwng RBA Initiative a Superbugs i sefydlu partneriaethau cadarn rhwng ysgolion yn y DG a Tanzania, ac i ddysgu gyda’n gilydd ac oddi wrth ein gilydd am heintiau, hylendid ac ymwrthedd gwrthficrobaidd.

Gweledigaeth

Arwain y frwydr yn erbyn ymwrthedd gwrthficrobaidd yn Affrica a chyfrannu at yr atebion byd-eang i’r bygythiad hwn i iechyd cyhoeddus.