Yn croesawu disgyblion Blwyddyn 12 i Ysgol Meddygaeth Prifysgol Caerdydd ers dros 25 mlynedd

Mae'r digwyddiad blynyddol hwn yn gyfle i gael ymdeimlad o’r cyffro a’r heriau ym maes ymchwil fiofeddygol; ymweld ag ystod eang o arddangosfeydd rhyngweithiol, gwrando ar gyfres o gyflwyniadau am bynciau llosg amrywiol ym maes gwyddoniaeth fiofeddygol; yn ogystal â chwrdd â myfyrwyr a chlinigwyr ar draws sbectrwm cyfan gyrfaoedd ym meysydd gwyddoniaeth a gofal iechyd a gofyn cwestiynau iddynt.

Cystadleuaeth tebyg i “University Challenge” rhwng ysgolion ar draws Cymru

Mae'r fenter gyffrous hon yn rhoi cyfle i ddisgyblion Blwyddyn 10 gwrdd â gwyddonwyr ifanc sy’n llawn angerdd a brwdfrydedd dros geisio deall y byd naturiol.

Nod y cwis yw ysbrydoli disgyblion ledled Cymru i ystyried posibiliadau gyrfaoedd mewn gwyddoniaeth, ac mae’n cael ei gynnal yn gyfochrog ar gyfer ysgolion cyfrwng Cymraeg a Saesneg.

Cyfle i gymryd rhan mewn ymchwil labordy yn Ysgol Meddygaeth Prifysgol Caerdydd

Bydd disgyblion Blwyddyn 12 yn cael profiad uniongyrchol o ystod o’r technolegau diweddaraf, ac yn gweithio gyda nifer o wahanol ymchwilwyr a’u grwpiau ymchwil.

Cynhelir y cynllun am gyfnod o bedair wythnos ym mis Mehefin a mis Gorffennaf bob blwyddyn. Mae cael eich derbyn ar y cynllun profiad gwaith hwn yn broses gystadleuol; 31 Mawrth yw’r dyddiad cau bob blwyddyn.

Nod y digwyddiadau rhad ac am ddim hyn yw agor meysydd y ceir pryderon yn eu cylch yng ngofal iechyd, a chyflwyno ymchwil newydd am faterion iechyd

Cynhelir y darlithoedd ar nos Iau, rhwng mis Hydref a mis Ebrill, ym Mhrifysgol Caerdydd. Mae croeso i bawb – gan gynnwys disgyblion ysgol uwchradd sydd â diddordeb mewn gyrfa ym meysydd gwyddoniaeth neu ofal iechyd.

Bydd cyfle i ddisgyblion lleol sydd ym Mlynyddoedd 12 a 13 gwrdd â'r siaradwr cyn y ddarlith. Mae'r holl sesiynau'n cael eu recordio ac ar gael ar-lein, felly ni fyddwch byth yn colli darlith.

Ystafell ddianc wedi'i hysbrydoli gan wyddoniaeth yng nghanol dinas Caerdydd

I gyd-fynd â Gŵyl Wyddoniaeth Caerdydd ym mis Chwefror 2020, creodd gwyddonwyr lleol a Gofal Canser Tenovus brofiad ystafell ddianc pwrpasol i roi cyfle i’r rhai sy’n cymryd rhan gael rhagor o wybodaeth am yr ymchwil canser hanfodol sy’n cael ei gynnal yn Ne Cymru.

Peidiwch â chymryd ein gair ni yn unig, cadwch le i chwarae'r ystafell eich hun a gweld a allwch chi ddianc mewn pryd!

Hyrwyddo symudedd cymdeithasol ac amrywiaeth mewn Gwyddoniaeth, Technoleg, Peirianneg a Mathemateg

Mae In2scienceUK yn grymuso pobl ifanc o gefndiroedd difreintiedig i gyflawni eu potensial trwy gyfleoedd newid bywyd sy’n rhoi cipolwg iddynt ar yrfaoedd ac ymchwil STEM ac yn rhoi hwb i’w sgiliau a’u hyder.

Mae’r rhaglen yn galluogi disgyblion Blwyddyn 12 i gael profiad gwaith ymarferol trwy leoliadau wyneb yn wyneb STEM – gan eu cysylltu ag arbenigwyr mewn prifysgolion ac mewn diwydiant sy’n gweithio ar flaen y gad ym maes ymchwil ac arloesedd.

Yn hyrwyddo addysgu microbioleg mewn ysgolion a cholegau

Mae MiSAC yn datblygu ac yn cyhoeddi syniadau newydd ar gyfer defnydd addysgol o ficro-organebau, gan gynnwys gweithgareddau ymarferol; ateb ymholiadau; rhoi cyflwyniadau; cyfrannu at gyrsiau hyfforddi; rhyngweithio â byrddau arholi, cyflenwyr gwyddoniaeth, cyhoeddwyr a diwydiant; ac mae'n awdurdod cydnabyddedig ar ddefnyddio micro-organebau mewn modd diogel.

Mae Cystadleuaeth Flynyddol boblogaidd MiSAC wedi’i chysylltu’n agos â’r Cwricwlwm Cenedlaethol ac mae’n denu hyd at 2,000 o fyfyrwyr o bob cwr o’r DU bob blwyddyn.

Y ganolfan darganfod gwyddoniaeth fwyaf yng Nghymru

Mae Techniquest yn cynnwys theatr wyddoniaeth, planetariwm a gofod arddangos gyda dros 100 o arddangosion rhyngweithiol wedi'u hanelu at ymwelwyr o bob oed.

Mae'n darparu ystod o wasanaethau i ysgolion ac athrawon i ategu darpariaeth addysg ffurfiol yng Nghymru ac mae'n gweithio'n helaeth gyda chynulleidfaoedd cyhoeddus - gan gynnwys gwyddonwyr lleol sydd wedi cynnal digwyddiadau arbennig 'Ar ôl Oriau' am yr ymchwil ddiweddaraf ar ganser, y system imiwnedd. a Superbugs!

Cartref gwyddoniaeth yng Ngogledd Cymru

Pynciau STEM yw asgwrn cefn y cwricwlwm ysgol a gyda mwy a mwy o gyfleoedd o fewn y maes, mae mor bwysig ag erioed i gyflwyno pobl ifanc i gannoedd o ddiwydiannau.

Mae Xplore! yn arbenigo mewn ysbrydoli meddyliau ifanc y tu mewn a'r tu allan i'r ystafell ddosbarth gan gwmpasu pob agwedd ar wyddoniaeth, technoleg, peirianneg a mathemateg.

Dathlu gwyddoniaeth, technoleg, peirianneg a mathemateg, a sut maen nhw'n effeithio ar ein bywydau bob dydd

Gŵyl Wyddoniaeth Caerdydd yn cymryd drosodd prifddinas Cymru i ysbrydoli ac addysgu.

Mae cyflwynwyr yn arddangos gwyddoniaeth, technoleg, peirianneg a mathemateg, gan eu hintegreiddio i brifddinas Cymru.

Mae’r ŵyl flynyddol yn lledaenu ledled llyfrgelloedd, caffis, bariau a strydoedd Caerdydd, gyda digwyddiadau cudd i chi eu darganfod.

Torrwch eich syched am addysg!

Gŵyl wyddoniaeth fyd-eang sy’n dod ag ymchwilwyr i’ch tafarn, caffi neu fan cyhoeddus lleol i rannu eu darganfyddiadau gwyddonol gyda chi.

Mae Pint of Science wedi tyfu’n enfawr dros yr ychydig flynyddoedd ers i ddau berson benderfynu rhannu eu hymchwil yn y dafarn.

Fodd bynnag, mae’r gwerthoedd craidd yn aros yr un fath: darparu gofod i ymchwilwyr ac aelodau’r cyhoedd ddod at ei gilydd, bod yn chwilfrydig, a sgwrsio am ymchwil mewn amgylchedd hamddenol y tu allan i labordai dirgel neu darlithfeydd tywyll.

Mae gan bawb le wrth y bwrdd i drafod yr ymchwil sy’n mynd ymlaen ar ein stepen drws ac ymhell tu hwnt.

Nid oes angen gwybodaeth flaenorol.

Trawsnewid meysydd cyhoeddus yn arena ar gyfer dysgu cyhoeddus a thrafodaeth wyddonol

Cyfle i bawb fwynhau, dysgu, heclo, cwestiynu, ysgogi, rhyngweithio â rhai o'n gwyddonwyr blaenllaw a chael eu hysbrydoli ganddyn nhw.

Dim dyn yn y canol, dim sleid PowerPoint, dim amffitheatr – dim ond gwyddonwyr benywaidd ac anneuaidd sydd yno i'ch syfrdanu â'u darganfyddiadau diweddaraf, ac i ateb y cwestiynau gwyddoniaeth rydych chi wedi bod yn llosgi i'w gofyn.

Cadwch lygad am efelychwyr ystlumod, arbrofion rhyngweithiol neu luniau anferth o losgfynyddoedd. Neu yn syml, cewch eu clywed nhw'n siarad am beth sy'n eu cyfareddu, a pham maen nhw'n meddwl bod ganddyn nhw'r swydd fwyaf ffantastig yn y byd!