Gadewch i ni feddwl am eich drws ffrynt. Mae allwedd eich tŷ yn ffitio'ch clo yn berffaith ac yn agor eich drws, iawn? Ni fydd eich allwedd yn ffitio unrhyw ddrws arall ar y stryd. Ac ni fyddai unrhyw allwedd arall yn ffitio clo eich drws chi. Felly, mae eich allwedd drws ffrynt, a'r clo, y'r hyn rydym yn ei alw'n BENODOL i'w gilydd.

Mae gwrthfiotigau'n gweithio yn UNION yr un ffordd. Mae gan wrthfiotigau (yr allwedd) darged penodol (y drws) naill ai ar gell facteria, neu ynddi. Targed y maent yn gweddu iddo'n berffaith. Mae gwrthfiotigau'n hela eu targed, ac yn cydio'n dynn, a'i rwymo'n dynn.

Mae targedau gwrthfiotig bron bob amser mewn rhannau pwysig iawn o'r gell facteria. Fel hynny maen nhw'n achosi cymaint o ddifrod â phosib!

Mae'r gwrthfiotigau naill ai'n lladd y bacteria, neu'n gwneud iddynt dyfu'n araf iawn. Mae hynny'n golygu nad yw'r bacteria bellach yn dda am achosi salwch, ac felly mae'r haint yn cael ei drin!!!